गाडा

"कवितांजली" मधली अजून एक सुंदर, अंतर्मुख करणारी कविता-

कुणासाठी कुणासाठी कशासाठी कुठवर
रेटायाचा ऐसा गाडा इमानाने जन्मभर
गाणे सुरु झाले तेव्हा चंद्र होता डोईवर
गाणे मध्यावर अाले चंद्र झाला रानभर
गाणे संपले अाणिक पक्षी फडाडला तमी
अाणि तसाच मिटला घरटयात अंतर्यामी
वाट रानातली किर्र हुरहूर सर्वदूर
चक्रे फिरती फिरती करकरे चराचर
कळ्या फुलतात येथे पाने गर्द वाजतात
फुले गळतात येथे तरी पाने वाजतात
पाने गळतात येथे तरी वारे वाजतात
वारा पडला तरीही दूर घंटा वाजतात
कुणासाठी भरू पाहे डोळा ऐसे उष्ण पाणी
कुणासाठी झरताहे झरा गप्प ऐषा रानी
कुणासाठी झुरताहे अायुष्य हे क्षणोक्षणी
कुणासाठी सालोसाल रस भरे फळातुनी
प्रश्न नव्हे पतंग अन् खेचू नये त्याची दोरी
अाणि खेचली तरीही मिटेल का चिंता सारी
कुणासाठी कशासाठी कुठे अाणि कुठवर
ऐसे घोकित घोकित व्हावयाचे दिगंबर
- अारती प्रभू