चिऊताई..

कुसुमाग्रजांची ही एक मस्त कविता "नक्षत्रांचे देणे - आता खेळा नाचा" VCD मधे ऐकायला मिळाली. सलील कुलकर्णींनी या कवितेला फार सुंदर चाल लावली आहे.

उठा उठा चिऊताई
सारिकडे उजाडले
डॊळे तरी मिटलेले
अजूनही अजूनही

सोनेरी हे दूत आले
घरट्याच्या दारापाशी
डोळ्यावर झोप कशी
अजूनही अजूनही

झोपलेल्या अशा तुम्ही
आणायाचे मग कोणी
बाळासाठी चारा पाणी
चिमुकल्या चिमुकल्या

बाळाचे घेता नाव
जागी झाली चिउताई
उडूनिया दूर जाई
भूर भूर

लहान मुलांच्या VCD मधे असलेली, वरवर पाहता लहान मुलांची वाटणारी ही कविता खरं म्हणजे आईसाठीच लिहिलेली वाटली. VCD ऐकल्यापासून ही कविता नेहमीच मला आठवत असते - खास करून कसोटीच्या क्षणी!